ແຟັງລັງ ແລະ ຊູແອດ ອາດຈະໄດ້ເຂົ້າເປັນສະມາຊິກນາໂຕກ່ອນເດືອນກໍລະກົດ
ສຳນັກຂ່າວຊິນຮວາລາຍງານໃນວັນທີ 13 ກຸມພານີ້ໂດຍໃຫ້ຮູ້ວ່າ: ຜູ້ນຳຂອງແຟັງລັງ ແລະ ຊູແອດ ໄດ້ຖະແຫຼງການຮ່ວມ ເຊິ່ງມີເນື້ອໃນບາງຕອນລະບຸ
ໄວ້ວ່າ ສອງປະເທດຈະໄດ້ຮັບການຮັບຮອງເຂົ້າເປັນສະມາຊິກ ນາໂຕ ຢ່າງເປັນທາງການກ່ອນກອງປະຊຸມສຸດຍອດອົງການສົນທິສັນຍາອັດລັງຕິກເໜືອ ໃນ
ເດືອນກໍລະກົດປີນີ້. ກ່ອນໜ້ານີ້ນາໂຕໄດ້ໃຫ້ຄຳໝັ້ນສັນຍາຈະຮັບເອົາທັງສອງປະເທດເຂົ້າຮ່ວມກຸ່ມໂດຍໄວ, ແຕ່ຂະບວນການດັ່ງກ່າວອາດຈະຊັກຊ້າເພາະ ເຫດການແຜ່ນດິນໄຫວໃນຕຸຣະເກຍ, ເພາະວ່າ 2 ປະເທດສາມາດເຂົ້າຮ່ວມນາໂຕໄດ້ຢ່າງເປັນທາງການແມ່ນຂຶ້ນກັບການຕັດສິນໃຈສຸດທ້າຍຂອງຕຸຣະເກຍ
. ແຟັງລັງ ແລະ ຊູແອດ ໄດ້ສະໝັກເຂົ້າເປັນສະມາຊິກອົງການນາໂຕ ເມື່ອເດືອນພຶດສະພາປີຜ່ານມາ ແຕ່ຖືກຄັດຄ້ານຈາກຕຸຣະເກຍ. ຕາມລະບຽບການນາ
ໂຕແລ້ວ, ຕ້ອງມີຄວາມເຫັນດີເຫັນພ້ອມເປັນເອກະພາບຂອງ 30 ປະເທດສະມາຊິກກ່ອນທີ່ຈະເຂົ້າຮ່ວມສະມາຊິກໃໝ່.
ແຫຼ່ງທີ່ມາ: ໜັງສືພິມກອງທັບ
ວັນທີ 15/02/2023